သို့
ရခိုင်သူ ရခိုင်သားအပေါင်းရို့
ပါမောက္ခဒေါက်တာအေးကျော် လုပ်ခရေ ရခိုင်စာတိကို ဆရာကြီးအကြံပီးခရေအတိုင်း မဟာပညာကျော် ရခိုင် စာပီကော်မတီ ဖွဲ့ပြီး ကော်မတီကဖြန့်ဝီးပီးလိုက်ပါရေ။
ခေတ်ကြီးလေးခေတ်က ရခိုင်စာတိကိုပေါင်းပြီးကေ မဟာပညာကျော် ဖေါင့် နာမည်နန့် ကွန်ပျူတာ မာ ရိုက်နိုင်အောင် ရခိုင်စာတခုအဖြစ် တီထွင်ပီးခရေ ဗျည်း ၃၆ လုံးနန့် တတူ ရခိုင်စာလုံးပေါင်းနီး ဆိုနီး တိကို ဖြန့်ဝီပီးလိုက်ပါရေ။ ဒေစာလုံးပေါင်းနီတိဟာ ရခိုင်သံကိုပီပီပြင်ပြင် ထွက်တေနီးတိလေးဖြစ်ပါရေ။ ပထမ ဖိုင်ဟာ မဟာပညာကျော်ဖေါင့်ဖိုင် ဖြစ်ပါရေ ယင်းဟာကို Download ပြီးကေ စာရိုက်လို့ရပါရေ။ ဒေမဟာ ပညာကျော်ဖေါင့် မာ လိုအပ်နီရေအချက်တိကိုလေး နိုင်ငံတာကာစံချိန်စံညွန်းနန့်ကိုက် ညီအောင် ဆက်ပြီးကေလုပ်လားပါဖို့။
ဒေဖေါင့်ကိုရိုက်တေခါ ဇော်ဂျီလက်ကွက်အတိုင်းရိုက်လို့ရပါရေ။ Google talk မာလေးရိုက် လို့ရပါရေ။ မတူရေဟာတိကတော့ခါ- ( င်) ငသတ်ကိုကိုရိုက်တေခါ G တလုံးတည်းကိုရိုက်လိုက်ကေ ( င် ) ကိုရပါရေ ။ နောက်ြြ ဒေ ရရစ်တိကိုရိုက်ကေ ပြောင်းပြန်ရိုက်ရပါရေ ဥပမာ- မြ ကိုရိုက်ဖို့ဆိုကေြ ရရစ် ကိုအယင် ပြီးမှ ( မ ) ကိုရိုက်ရပါရေ ။ က ရရစ်ကိုရိုက်ကေလေး က - ကကြီး ကိုရိုက်ပြီးမှြ ရရစ် ကိုရိုက်ရပါရေ။ စာလုံးပေါင်းရေနီးနန့် ကွန်ပျူတာမာ ရိုက်တေခါကွဲနီရေစွာ တလုံးပါပါရေ ယင်းဟာက (ေ ) သဝေထိုးဖြစ်ပါရေ အဂုနီးဖြစ်တေ ကထိုး ကေရရေ ဆိုရေနီးနန့်ဆန့်ကျင်ဖက်ဖြစ်နီစွာကို အသိပီးပါရေ နောက်အဆင်ပြေအောင်လုပ်ပီးပါမေ။
နောက်ထပ်ဆရာကြီး လုပ်ထားခရေရခိုင်စာတိနန့် ပတ်သက်တေဟာတိကိုလေး ဒေကော်မတီ ကဆက်ပြီးကေဖြန်ဝီးပီးလားပါဖို့။ အဂုစာတိနန့်ပတ်သက်ပြီးကေ မီးမြန်းစရာဟိကလေး မီးနိုင်ပါရေ။
ကျေးဇူးတင်ပါရေ
မဟာပညာကျော်ရခိုင်စာပီကော်မတီ
ဒေါင်းဖို့နိန်ရာ
No comments:
Post a Comment